Ferill til fébóta
Feril mála má rekja í neðangreindum fjórum skrefum
1 Tilkynningar
Lögmenn Fébóta sjá um að tilkynna tjón fyrir hönd tjónþola til viðkomandi tryggingarfélags. Dráttur á því að slys sé tilkynnt getur leitt til þess að réttur tjónþola til bóta falli niður. Því skiptir miklu máli að tjónþoli fái lögfræðiaðstoð sem allra fyrst í kjölfar slyss, til að tryggja að réttindi fari ekki forgöðrum..
2 Gagnaöflun
Lögmenn Fébóta annast alla gagnaöflun vegna málsins. Aflað er allra nauðsynlegra gagna frá lögreglu, læknum eða öðrum sérfræðingum og opinberum aðilum.
3 Mat á afleiðingum
Lögmenn Fébóta leiðbeina tjónþola við val á færum sérfræðingum. Þannig er tryggt að afleiðingar slyssins séu metnar af þeim sem hæfastir eru til þess. Í flestum tilfellum er tímabært að leggja mat á afleiðingar slyss þegar um ár er liðið frá því. Frá því viðmiði geta þó verið undantekningar.
4 Bótauppgjör
Lögmenn Fébóta sjá um skjalagerð, kröfugerð og sáttaumleitanir gagnvart tryggingarfélögum eða öðrum bótagreiðendum. Yfirleitt næst að ganga frá bótagreiðslum með samkomulagi við bótagreiðendur. Í þeim tilfellum þar sem samkomulag næst ekki, annast lögmenn Fébóta málskot til úrskurðarnefndar vátryggingarmála eða málshöfðun fyrir dómstólum.
Þjónusta okkar felst í að:
ÚTSKÝRA RÉTT ÞINN
Á fyrsta fundi með tjónaþola fara lögmenn heildstætt yfir málið og meta bótagrundvöll þess. Þessi fundur er tjónþola að kostnaðarlausu sem og samskipti sem leiða til hans í símtölum og/eða tölvupóstum. Við leggjum metnað okkar í að bjóða viðskiptavinum okkar persónulega og góða þjónustu.
Lögmenn Fébóta veita alla þá þjónustu sem þörf er á í slysa- og skaðabótamálum og innheimtu þeirra. Við aðstoðum tjónþola við að sækja rétt sinn vegna líkamstjóns af fagmennsku og einurð með hámarksárangur að leiðarljósi.
LEITA RÉTTAR ÞÍNS FYRIR DÓMSTÓLUM
GÆTA HAGSMUNA TJÓNÞOLA Í HVÍVETNA
Lögmenn Fébóta hafa hagsmuni tjónþola í fyrirrúmi í störfum sínum. Með því móti tryggjum við hag þeirra og réttindi. Gott dæmi um þessa nálgun okkar, er að við erum til taks fyrir tjónþola hvenær sem er sólarhringsins.